بمناسبه قرب رمضان ديه بعض الحلويات الشرقيه
البسبوسه
والكنافه بالقشطه
والجلاش بالمكسرات
تعالى نبدأ بالبسبوسه
المقادير
1 كيس بسبوسه
1 علبة زبادى
3 ملاعق سمنه
ربع ملعقة بيكنج بودر
نصف ملعقة زبده
الطريقه
نحضر مسحوق البسبوسه فوقه الزبادى + السمنه + البودر وتقلب جيدا حتى تمام التماسك
ولو حسيتى انها تقيله معاكى محتاجه للميه ضيفى بالتدريج مع التقليب بس متزوديش عن ربع كوب ماء .
ندهن الصينيه بملعقة سمنه ثم نضعها بها
ويتم وضع المكسرات المفضله حسب أختيارك وندخلها الفرن على درجة حراره متوسطه لمدة تلت ساعه .
تسقى بالشربات البارد فور خروجها من الفرن
تعالى نعمل الكنافه بالقشطه
المقادير
كيلو الكنافه
1 علبة قشطه
1 كوب لبن
3 ملاعق سمنه
2 ملعقة زبده
الطريقه
أولا نضع الكنافه فى الفريزر لساعتين على الأقل حتى تبرد .
نضع فى أناء القشطه + اللبن ونقوم بمزجهم جيدا
نخرج الكنافه من الفريزر ونضغط عليها وهى فى الكيس عشان نكسرها وتبقا فتافيت صغيره .
نضع عليها 3 ملاعق سمنه وتقلب جيدا
ثم نحضر الصينيه وندهنها سمنه ونرش فيها جزء من الكنافه
( هى اكيد هتبقا فتافيت صغيره جدا بسبب تكسيرها ودى بتبقا فى الطعم أحلى )
نضع مزيج القشطه واللبن
ثم نضع فوقه المكسرات المفضله لديكى وجوز الهند
ثم نضع باقى الكنافه المتبقيه فوق المكسرات
وعليها ملعقتين الزبده ترش على وش الصينيه كلها لطعم أحلى وأحلى
وندخلها الفرن فى درجة حرارة متوسطه لمدة نصف ساعه أو حسب تحميرها
وتسقى بالشربات البارد فور خروجها من الفرن
تعالى نعمل الجلاش
المقادير
كيلو الجلاش العادى
الفول السودانى أو حسب أختيارك من المكسرات
ملعقة سمنه
الطريقه
ندهن الصينيه بالسمنه ثم نضع فوقها جزء من الجلاش
نضع فوقها المكسرات المفضله لديكى حسب أختيارك
نضع باقى الجلاش وندهن وش الجلاش بالسمنه للطعم الأحلى
ونقوم بتقطيع الصينيه قبل دخولها الفرن
ندخلها الفرن درجة حراره متوسطه تلت ساعه او حسب تحميره
وتسقى بالشربات البارد فور خروجها من الفرن .
طريقة عمل الشربات
نحضر 2 كوب ماء + 2 كوب سكر ونرفعهم على النار حتى يبدأ فى الغليان نضع نص ملعقة زبده
ونضيف حبات فانيليا أقل من ربع ملعقه ثم نتركه دقيقتين ونضع نصف ليمونه ثم يترك حتى يبرد .
نصيحه / لاتتركى الليمون يغلى مع الشربات أرفعيه من على النار بسرعه وأتركيه يبرد لكى لا يفقد الطعم المطلوب .
لا تسقى اى من الحلويات بالشربات وهو ساخن لأن ساخن مع ساخن يفقد جزء من الطعم .
طبعا انتو عارفين اني خبرة في مطبخ ياعني
اصلي يااصلىىىىىىىىىىىىىىىىىىىىىىىىى
ههههههههههههههههههههههههههههههههههههههههههههههههه
موضوع: اطبخي يا جارية الانبوبة فاضية يا سيدي 
الأحد أغسطس 03, 2008 7:27 am
