صفات المرأة الصالحه

بسم الله الرحمن الرحيم
انا هتكلم فموضوع مهم جدا هو الخلافات الزوجيه وهو سبب جرائم كتير بقت
منتشرة كتير اليومين دول ولازم يكون لها حل بطرق كتير واولها التوعيه
يلا نشوف المراة بتعمل ايه والمفروض والواجب عليها ايه بس قبل كل كدة هنشوف
ايه هى اصلا صفات المراة الصالحه وبعدين نعلق على كام نقطه يلا تعالو

صفات المراه الصالحه:-
*تصون كرامه الزوج *تحفظ عرضه *تقدس شرفه *ترعى ماله
*تحترم اهله *تجله فى حضورة *تعظمه فى غيبته *تحب ما يحب وان كان غير محبب لها
*تكرة ما يكرة وان كان غير مكروه لها *واذا جاء بقليل استكثرته
*واذا جاء بكثير شكرته *تستيقظ قبل ان يستيقظ *تنام بعد ان ينام
*تتحلم اذا جهل *تلين ان قسا *تسكت اذا ثار *ولا تتمرض بين يديه
*ترضى بكل مايرضيه *ولا تبكى اثناء ضحكه *ولا تضحك اثناء بكائه
*ولا تفرض عليه امرها *ولا تلزمه رايها *لا تعامله معامله العامل الاجير
*لا تنتقدة فى عمل *لا تعيب عليه نظام *ترفع قدرة بين اهلها
*تعظم منزلته بين جيرانها *تطلعه على كل حسن *تخفى عنه كل قبيح
*اذ قدم شكوته اليها واسته *وان كان شكوته منها انصفته *تعزيه ان كان حزينا
*تخفف عنه ان كان مهموما *تسهر بجانبه ان كان مريضا *تستقبله اذا دخل
*وتودعه اذا خرج *تنتقى الالفاظ اذا تكلمت *تجمل نفسها اذا وسعها الجمال
*تظهر من الافعال اجملها *تظهر من الانوثه الطفها *ولا تصلى صلاة التطوع الا باذنه
*ولا تصوم صيام التطوع الا باذنه *ولا تخرج من البيت الا باذنه
ــــــــــــــــــــــــــــــــــــــــــــــــــــــــــــــــــــــ

تعالو بقى نشوف الزوجه اليومين دول واهم الخلافات الزوجيه ونعلق ونعلق عليها

اولا كلمه ابن امه دى منتشرة كتير جدا تيجى حوا تقول خلاص انا مش قادرة استحمل
خلاص كل حاجه بامر امه على ايه هو احنا رضينا بالهم والهم مش راضى بينا وتعملها قضيه
وتقله يا انا يا امك دى كدا ضيعت الدنيا من كل النواحى اذا اختارها وساب امه يبقى حقيقى يامجنون
يامعندوش قلب وهيتحرق هو ومراته فنار جهنم ولو الاختيار التانى طبعا هى الى خسرانه
اولا مش عيب انه يشور والدته او ياخد رايها ومش عيب انه يعمل بيه وهى كما ن تعمل بيه
وايه المشكله مشى الامور مهر زى والدتك خديها فحضنك واحتويها واتعلمى منها هترضيها وترضى زوجك وربك وهتبقى انتى راضيه عن حياتك وهتبقى اسعد الناس فالدنيا والاخرة

ثانيا الاهتمام فالخطوبه تبقى موزة متقبلوش الا وهى واخدة شاور جامد وبرفان اخر حاجه
وميكب كامل بقى والطقم الى عليها مولع
بعد الزواج يلاقى واحدة تانيه تضرب الترنج وتطبخ بيه ومتغيروش تفضل بيه لحد ميستغيث
برائحه الثوم بقى والبصل وايه والبارفيوم بتاعها يفضل بشوكه زى مهو متجيش جمبه ولا حتى
ميكب ولو جت على نفسها وعملت حاجه تسرح شعرها
طبعا مينفعش لازم تفضلى انيقه وجميله واحسن كمان من الاول ولازم تلبسى احسن حاجه
واشيك حاجه والبارفيوم شغال والميكب كمان اخر حاجه بس كل دة لزوجك حبيبك بس
فالبيت مش خارجه

ثالثا النوم دة مشكله تنام هى وهو برة ولا تستنى تطمن عليه ولا تحضرلة عشا
ويسلام لو جيه صحاها يبقى يومه مش معدى يسئلها عن الاكل تقله عالمطبخ
يجى يتنفس تانى تقوله يوووة هو الواحد ميشفش راحه ابدا فالبيت دة حرام عليك
دى عيشه تقصر العمر ولا الصبح يصحى متاخر عالشغل مهى ست الهوانم نايمه
مصحتهوش نايمه ويجى يسئلها اللبس فين تقله دور عليه شوفوا ورا الباب ولا تحت السرير
لالالا شوفوا فالغساله دنا باين نسيت اغسله والله هينزل متعكنن وهيتاخر برة عشان ميشفش وشك

مينفعــــــــــــــــــش خالــــــص وبجد حرام لازم تستناه لما يجى من برة وهى لبسه طقم شيك
وتستناه بحب ووحشه وتكون محضرة العشا الى بيحبه واول ميدخل تقبله باحلى ابتسامه
وادفى حضن وعلى ميغير هدومه يكون العشا محطوط وكل شىء بيحبه جاهز وتظبط المنبه
قبل ميعاد صحيانه بنصف ساعه تقوم تاخد شاور وتغير طقم النوم وتلبس حاجه جديدة ونحضر
فطار جميل وخفيف وبعدين تصحيه بس بهدوء وبراحه وباجمل ابتسامه عشان يقوم نشيط متفائل
لليوم وعلى مياخد شاور يكون اللبس جاهز وكل شىء وقبل مينزل تودعه باحلى ابتسامه وحضن
عشان لما ينزل يبقى متشوق للعودة للبيت بسرعه ويمشى برة ميبصش لغيرك
ومتنسيش مكالمه صغيرة كل شويه عشان مش ينساكى

رابعا الزوجه التى لاتحترم زوجها الى هى بوشين تقله متتاخرش ياقلبى هتوحشنى ياعمرى
واول ميديها ظهرة يكش تاكله عربيه فسكته روحه بلا راجعه ومبتكسرش وراة الاوله
بتستخسرها فيه تقول الى بيجيبه يعنى

طبعا دى بلا تعليق لان مفيش اى كلام وحش فالدنيا يوصفها ولا حتى يعلق عليها

خامسا الست الشكايه زوجها بيعمل كل مابوسعه وهى لوك لوك لوك لوك مع الناس
دنا اتخنقت خلاص دنا صبرة غلب خلاص انا مش قادرة دة فى وفى وفى .....
وتفضل يبقى زوجها مطحون عشلنها وهى غير مقدرة وفضحها لتوب الارض

طبعا مينفعش اصلا انها تبقى من جواها غير راضيه دة لو رجع برغيف عيش
هيقسموه سوا وياكلوه تحمد ربنا وتشكرة ومتحسسوش باى نقص وكمان تنسيه كل
الى هو فى وكمان سر بتهم ميطلعش لاى حد مهما كان

كدة كفايه المرة دى والمرة الجايه نكمل وتعالوا ناخد كام ملحوظه كدة سريعه
1-ابتعدى عن زوجك ولا تقفى امامه وقت تعصبه
2-لا تتركيه لفترة كبيرة وحدة بالبيت فالفراغ والملل يصنع الكثير
3-منسيش سورة البقرة متتقفلش من البيت عشان ربنا يبارك لكم

هااااااااائل

حبيبيتى والله وحشتينى انا كنت عايزة اكلم معاكى
موضوعك هائل وجامد اوى وجاى فى وقته بالنسبة لى