كيف هذا التعامل مع الملائكة

السلام عليكم

اللى خلانى اكتب الموضوع دة انى النهاردة وانا ماشية سمعت صوت طفل عمال يعيط ويصرخ بصوت عالى

انا شدنى الصوت لحد ما وصلت للمكان اللى خارج منه الصوت لاقيت شاب وقف على باب حلاق قزاز وماسك الباب قافله والراجل الكبير الحلاق ماسك الطفل يا عينى ونازل فيه طحن وضرب بعصاية انا بصراحة عملت موقف سلبى جدا ومتدايقة من نفسى انا بصيت فى الارض ومشيت وعنيا مدمعة جدا لانى مكنتش اقدر ادخل اقتحم المكان واحوش عنه بس دمى اتحرق ولحد دلوقتى مخنوقة جدا

المهم انا دلوقتى عاوزة اسأل سؤال هل ضرب الكبار للاطفال بوحشية دة تربية ولا تنفيس عن خنقتهم وزهقهم؟؟

انا طبعا من رايي ان الافترا فى الضرب دى حاجة مش بناءة بالمرة لو كان الضرب للتربية او للمعاقبة ايا كان الحاجة اللى الطفل عملها ميستحقش كمية الوحشية دى طيب يا ...مش هقول عليك بنى ادم ياللى بتضرب وبتفترى انت كدة بتعمل ايه بتعمل عقدة عند الطفل طيب متدور على عقاب تانى حرمانه من حاجة بيحبها او حبسه لمدة معينة مثلا لوحده او حرمانه يوم من اللعب ولو مستجبش مرة واتنين وتلاتة وعمل نفس الغلط اضربه لكن بالراحة مش بافترا كدة ليه التخلف والغباء فين الرحمة يا ناس

لا ولا الام اللى ترجع من الشغل متنرفزة اى عيل ينطق طاخ طاخ وتهريه ضرب عشان مثلا انه بيلعب ولا بيعمل دوشة

طيب وحاجة كمان لما يجى يغلط الطفل سواء قال الحقيقة او كدب بيعاقب مفيش مثلا تثويب ليه عشان مكدبش بالتالى بتعلمه ازاى يكدب وانه فى اى حالة هيتضرب بردة انا مبتكلمش عن كل الناس بس محدش ينكر ان فئة كبيرة هنا فى الشعب طريقة تربيتها غلط

غير كدة ان مبنديش فرصة للطفل انه يتكلم او يعبر عن نفسه عشان يكون واثق من نفسه يجى يتكلم اسكت دلوقتى انا مصدع ؟؟!! طيب وبعدين هتفضل تطلع همك فى اطفالك لحد امتى ولحد امتى انت بتطلع نقصك على ابنك

انا هقول ربنا يهدى الناس ويارب نترحم ببعض وبلاش افترا يا جماعة

ويارب انا كمان ابطل سلبية بقى

سلام عليكم

ميرسى لانك بجد بطلعى عواطف جوانا

تسلم ايدكى

عدد المساهمات : 116 تاريخ التسجيل : 05/08/2008

hwa aked ya sheroo al darb lea 7dwd bas mosh yanf3 ndrb ba al w7shea de bas sd2eny momkn yakon 3'az b3nk lama mosh ysm3o al kalam wa anty asln mtwtra wa a3sbk mshdwda 3'z b3nk btdrby mein 3'er tafker bas tb3n hea tr2ea 3'alt wa yret kolna nbtlha wa ana a2wl w7da nfsy abtlha taslmy 7bebty